تقريبا كل يوم بشوف سؤال من النوع ده او قريب منه زي مثلا أنا عايز اتخصص front end بس بيقولوا ان الوظيفة دي مش هيكون عليها طلب علشان الذكاء الإصطناعي هياخد مكان المبرمجين.
طيب ما تيجي نسأل شات جي بي تي و نشوف هيقولنا إيه؟
’لا، الذكاء الاصطناعي لا يستبدل المبرمجين، بل يعتبر شريكًا لهم في تطوير التقنيات وإنشاء تطبيقات أكثر ذكاءً. الذكاء الاصطناعي يشير إلى القدرة على إعطاء الأنظمة الحاسوبية القدرة على تنفيذ مهام بشكل ذكي، وتعلم الآلة هو فرع من الذكاء الاصطناعي يسمح للأنظمة بالتعلم وتحسين أدائها بمرور الوقت.
المبرمجون يلعبون دوراً حاسماً في تطوير وتحسين التقنيات الذكية. يتم إنشاء وتدريب نماذج الذكاء الاصطناعي والأنظمة الذكية بواسطة مبرمجين لضمان أن تكون تلك التقنيات قوية وفعالة. يحتاج المبرمجون إلى فهم عميق للخوارزميات والبرمجة لتحسين أداء النماذج الذكية وتكاملها مع التطبيقات الحقيقية.
بدلاً من استبدال المبرمجين، يمكن أن يسهم الذكاء الاصطناعي في تسريع عمليات التطوير وتوفير أدوات قوية لتحليل البيانات واتخاذ القرارات. بالإضافة إلى ذلك، يمكن للمبرمجين العمل على تطوير تقنيات الذكاء الاصطناعي وتحسينها باستمرار، مما يضمن دورهم الحيوي في هذا المجال.’
دي أجابة شات جي بي تي , طيب في الأول كدا أهم تطبيقات الذكاء الإصطناعي اللي عملت طفرة في وقتنا الحالي زي شات جي بي تي مثلا بيستخدم حاجة اسمها LLM (Large Language Model) ممكن نبسطها بتبسيط مخل شوية للتقريب أنهم عملوا تطبيق بيقدر أنه يقرأ ملايين و مليارات المعلومات و عنده قدره علي فهم تركيب اللغات البشرية و يبدأ يفكك المعلومات اللي بيتلاقها و يقدر يخزن المعلومات اللي عرف يفككها و يعيد صياغتها بلغة بشرية يعني مثلا يقرأ نصوص زي الأسد من الثدييات , الأسد حيوان لاحم, الأسد يعيش في أفريقيا, الحيوان اللاحم هو حيوان يتغذي علي لحوم الحيوانات الأخري و غيرها من المعلومات (معلومات بتكون داخل نصوص أشد تعقيدا) فتيجي تسأله عن الأسد يقولك حيوان من الثدييات يتغذي علي لحوم الحيوانات و يعيش في أفريقيا (مجرد مثال توضيحي بسيط) , طيب هو كدا بقي عنده وعي مستقل أو تفكير؟ أبدا هو في النهاية حافظ مش فاهم قرأ مليارات النصوص و عنده قدرة علي إسترجاعها في لغة بشرية بس كدة , هل معني كدة أنه يعرف يبرمج أبليكشن و الشركات تستغني بيه عن المبرمجين أبدا و اللي جربه في البرمجة هيعرف أنه ساعات كتيرة بيقول كلام غلط أو مش دقيق و ساعات بيريح دماغه و يدينا اجوبة مختصرة , مفيش في المستقبل المنظور أي إمكانية أن الذكاء الإصطناعي يحل محل المبرمجين لكن هو أداء رهيبة لتسريع عملية البرمجة و مساعدة المبرمجين في الكود و إيجاد الأخطاء البرمجية و إرشادهم و ده بيعتمد علي دقة التوصيف لما نسأله عن حاجة , كمان حاجة مهمة جدا الذكاء الإصطناعي بيتعلم اللي الإنسان بيعلمهوله يعني ميعرفش يطلع افكار من نفسه و لا تصميمات من نفسه (لحد دلوقتي) , عموما شات جي بي تي من وقت إصدار الإصدار الثالث و تقريبا أنا مشغله لحسابي في كل شغلي مش برمجة بس أبسط حاجة إن المقال اللي بكتبه دلوقتي هطلب من شات جي بي تي يترجمه بالإنجليزي بدل ما اعيد كتابته بالإنجليزي و المدهش أنه بيعرف يفهم العامية المصرية كويس جدا , صاحب الذكاء الإصطناعي و خليه يساعدك في شغلك متخافش منه , و لو حاسس أنه هياخد مكانك فإنت عندك مشكلة كبيرة في قدراتك أو في ثقتك في نفسك و لو كنت لسه بتتعلم البرمجة فمتقلقش المستقبل بتاعك مش بتاع الألات لحد الأن مفيش تهديد علي المبرمجين , لكن يا خوفي علي المترجمين